Осиё кубоги-2019. Қатар Ироқни енгди ва чорак финалга чиқди

Абу-Дабидаги "Ал-Наҳаён" стадионида кечган учрашувда қатарликлар минимал ҳисобда рақибдан устун келишди. Беллашувдаги ягона гол 62-дақиқада Бассам Ҳишам томонидан киритилди.

Шу тариқа, Феликс Санчес бошқарувидаги жамоа чорак финал йўлланмасини қўлга киритди. Энди қатарликлар ярим финал йўлида Жанубий Корея термаси билан куч синашади. Мазкур қарама-қаршилик 25 январь куни бўлиб ўтади.