Osiyo o‘yinlari. Qayrat Eraliev va yana ikki qozog‘istonlik bokschi turnirni tark etdi

Musobaqaning boks bahslari ham davom etmoqda. Boks bahslarida yurtimiz charm qo‘lqop ustalari bilan bir qatorda zikr etiladigan Qozog‘iston terma jamoasi vakillari ham bahslarda ishtirok etmoqda.

E’tiborlisi, -60 kg vazn toisafida ishtirok etayotgan qozog‘istonlik Samatali Toltaev chorak final bahsida xitoylik Yun Shanga 0:5 hisobida mag‘lub bo‘ldi.

Bunga qadar -56 kg vazn toifasida jahon chempioni - Qayrat Eraliev tailandlik Chatchay Butdiga 0:5 hisobida imkoniyatni boy bergan va turnirni tark etgan edi. 

-52 kg vazn toifasida ishtirok etgan Azat Mahmetov filippinlik Rogen Ladon qarshiligini enga olmagan edi - 2:3.