Ўзбекистон - Жанубий Корея. Матнли онлайн трансляция

Ўйин якунланди. Ўзбекистон - Жанубий Корея 3:4. Афсуски, бу сафар ҳам корейслар довонидан ўта олмадик... Эътиборингиз учун раҳмат. Учрашувни сиз билан Баҳодир Ҳасанов кузатиб борди. Бизни кузатишда давом этинг.

Ли Жин Хюн огоҳлантирилди.

Жалолиддин Машарипов ўрнига Андрей Сидоров майдонга туширилди.

Вакилларимиз тинимсиз олдинга интилишмоқда. Қилмасмидинг ўша ҳужумингни олдинроқ!

Хванг Хи Чанг пенальтидан унумли фойдаланди. Ана бўмаса...

Корейслар позицион ҳужумга ўтишмоқда. Пенальти... Бизнинг зараримизга...

Ким Жунг Мин ўрнига Ким Жин Я майдонга тушди.

Дониёр Нарзуллаев Забиҳилло Ўринбоевнинг ўрнига майдонга тушди.

Яна бир ҳужум муваффақиятсиз...

Ҳамробековнинг зарбаси... Ноаниқ.

Вакилларимиз тўпни узоқлаштиришди. Иккинчи темпдаги ҳужумда рақиб зарбасига аниқлик етишмади.

Достон Турсунов тўпи майдон ташқарисига чиқариб юборди. Бурчак зарбаси.

ҚЎшимча таймларнинг иккинчи қисми бошланди.

Биринчи бўлим якунланди.

Ким Мин Жэ огоҳлантирилди.

Бўлимга 1 дақиқа қўшиб берилди.

Корейслар тинимсиз олдинга ташланишмоқда.

Икром Алибоев огоҳлантирилди ва майдондан четлатилди.

Ҳимояда анча хавфли ўйнаяпмиз. Эҳтиёт бўлишимиз керак. Ўзи битта хатонинг бадалига ўйин вақти шунча чўзилди. 

Забиҳилоооо!!! Ҳаҳҳҳ!! Салгина аниқ бўлгандами?!

Ли Сенг Ву огоҳлантирилди.

Корейсларнинг хавфли ҳужуми бартараф этилди. 

Қўшимча таймлар бошланди.

Ўйин асосий вақти тугади. Энди навбат қўшимча таймларга. Жуда хавотирли вазият...

Ўйинга 3 дақиқа қўшиб берилди.

Корейсларнинг яна бир ўта хавфли ҳужуми самарасиз якунланди.

Забиҳилооо!!! Сўнгги зарбани беролмади.... Эҳҳҳҳ! Шундай комбинация, шундай ҳужум-а!..

Жавоҳир Сиддиқов ўрнига Хуршид Ғиёсов туширилди.

Икром Алибоев огоҳлантирилди.

Корейслар босимни оширмоқда. Соннинг зарбаси яхшиямки ноаниқ... У жарима майдони ташқарисидан Эргашев қўриқлаётган дарвозани ишғол қилиб қўйиши мумкин эди...

Очиғини тан олиш керак. Футболчиларимизда руҳият билан боғлиқ муаммолар борлиги кўзга ташланиб қоляпти. Вакилларимизнинг яна бир позицион ҳужуми...

Корейслар 4-голни уришга интилишмоқда.

Рустам Ашурматов оддий вазиятда тўпни рақибга совға қилди. Ҳисоб яна тенглашди. 

Жавоҳир Сиддиқов майдонда жароҳат олиб ётибди. Унга шифокорлар ёрдам кўрсатишмоқда. Ишқилиб ҳаммаси яхшиликка бўлсин...

Корейслар позицион ҳужум ташкиллаштиришмоқда.

Достон Ҳамдамов ўрнига Бобур Абдиҳолиқов майдонга туширилди.

Рустам Ашурматовга сариқ карточка кўрсатилди.

Вакилларимизда бурчак тўпи тепиш имконияти.

Сон томонидан уюштирилган хавфли ҳужум ҳимоячиларимиз томонидан тўхтатилди.

Ли Синг Мо ўрнига Ли Синг Ву майдонга туширилди.

Ҳимояда эҳтиёт бўлиш лозим. Биринчи бўлимда хотиржамлик нима оқибатга олиб келиши мумкинлигини кўрдик.

Ҳамюртларимиз тўпга эгалик қилишмоқда. Корейслар прессинг уюуштиришмоқда. Жавоҳир Сиддиқовнинг зарбаси бироз кучсиз чиқди.

АЛИБОЕЕВВВВВВВВВВВВВВВВВВВВВВ!!!! ГОООЛЛЛЛ!!!

Ҳисоб тенглашди. Энди уни ошириш керак. Корейслар ҳам йигитлик бурчини ўташсин. ;) Улар ҳам ватанига хизмат қилсин! А, лаббай, нима дедингиз?

Икрооооооооооооммммммммммммммм Алибоееевввввввввввввввввввв!!!! ГОООООООООООООЛЛЛ!!!

Икром Алибоевнинг зарбасини дарвозабон эгаллаб олди.

Вакилларимизнинг хавфли ҳужумини рақиб футболчилари қийинчилик билан қайтаришди.

Иккинчи бўлимни корейслар фаолллик билан бошлашди. 

Иккинчи бўлим бошланди.

Бўлим якунланди. 

Корейсларда жарима зарбаси... Эргашев яхши ўйнади.  Бўлимга 2 дақиқа вақт қўшиб берилди. 

Алибоевнинг жаримадан йўллаган зарбасига аниқлик етишмади.

Достон Ҳамдамов қарши ҳужумда ўйин қоидасини бузди ва ҳакам томонидан огоҳлантирилди.

Корейсларнинг ўта хавфли ҳужуми бартараф этилди. Бурчак зарбаси.

Яхшиямки зарба ноаниқ.

Вакилларимиз томонидан ўйин қоидаси бузилди.  Тўп олдида Сон Хён Мин.

Футболчиларимизнинг сусткашлиги ушбу голга сабаб бўлди. Сўнгги дақиқаларда вакилларимиз анча бўшашишганди. 

Ҳисоб яна ўзгарди. Хванг Уи Жо ҳисобни оширди.

Корейслар тўпга эгалик қилишга ҳаракат қилишмоқда. 

Машариповнинг зарбаси самарасиз якунланди. 

Ўйин темпи у қадар баланд эмас. Ҳар иккала жамоа эҳтиёткор ўйин намойиш этмоқда. Ҳамдамовнинг зарбаси ноаниқ кетди.

Жанубий Корея вакиллари босимни кучайтирмоқда.

Тўпни назорат қилиш бўйича устунлик вакилларимизда 63 га 37.

Жароҳатланган Жанг Ю Хо ўрнига Ли Жин Ху майдонга туширилди.

Корейсларнинг хавфли ҳужуми қайтарилди. Ҳамробеков фаоллик кўрсатди.

Корейслар энди очилишга мажбур. Энди биз уларнинг хатоларидан фойдаланишимиз керак. 

ГОООООООООООООЛЛЛЛЛЛЛЛЛЛ!!!!!!!!!!!!!!!!!!! ЖАААЛОЛИДДИИИННН МАШАРИПОООВВВ!!! Достон Ҳамдамовнинг ажойиб пасидан сўнг ҳисоб тенглашди!

Корейслар бутун жамоа бўлиб ҳимояланишмоқда.

Номинал меҳмонлар вакили Жанг Юнг Хо майдонда ётибди. Унга шифокорлар ёрдам кўрсатишмоқда.

Корейслар майдон марказини назорат қилишмоқда.

Ҳимоядаги хатоларимиз кўзга ташланиб қолаяпти. Футболчиларимиз кўпчилик бўлиб ҳужумга ўтиб кетишлари корейсларнинг қарши ҳужумдан фойдаланишларига  имкон яратаяпти.

Ҳали вақт кўп. Вазиятни тиклаш имкони бор...

Ўйинда ҳисоб очилди. Уи Жо Хван ҳисобни очди. 

Хавфли ҳужум!!! Дастлабки ҳужумимиз муваффақиятсиз якунланди.

Ўйин бошидан ҳамюртларимизга қарши қўполлик ишлатилди. Машарипов оқсоқланган ҳолда, майдон ташқарисига чиқиб кетди. 

Ўйин бошланди. 

Жамоалар майдонга чиқиб келишмоқда.

Айни пайтда ҳар иккала жамоанинг асосий таркиблари аллақачон маълум бўлиб улгурган. Қуйида таркиблар билан танишиб чиқишингиз мумкин.

Ассалом алайкум қадрли футбол ихлосмандлари. Бугун Индонезиянинг "Патриот Жандрабхага" стадионида Ўзбекистон терма жамоаси Осиёнинг гранд жамоаларидан бири Жанубий Кореяга қарши баҳс олиб боради.