Ўзбекистон кубоги. Барча ярим финалчилар номи маълум бўлди

Кеча "Қўқон-1912" "Қизилқум"ни енгиб, "Пахтакор" эса "Локомотив" устидан ғалаба қозониб ярим финал йўлланмасига эга чиққан эди.

Бугун эса Миржалол Қосимов бошқарувидаги "Бунёдкор" клуби сафарда "Андижон"ни 2:1 ҳисобида енгиб, биллур соврин учун курашни давом эттириш ҳуқуқини қўлга киритди.

Куннинг сўнгги ўйини эса Олмалиқда кечди ва маҳаллий АГМК клуби қўшимча бўлимларда "Машъал"ни енгиб, яриф финалга чиқи.

Шу тариқа, финал йўлланмаси учун курашадиган барча жамоалар номи маълум бўлди.

- "Пахтакор" (Тошкент)

- "Қўқон-1912" (Қўқон)

- "Бунёдкор" (Тошкент)

- АГМК (Олмалиқ)

Эслатиб ўтамиз, ярим финал жуфтликлари “Спорт” телеканали орқали жонли эфирда намойиш этиладиган “Гол” кўрсатуви вақтида ташланадиган қуръа орқали аниқлаб олинади. Кўрсатув эртага — 20 сентябрь куни 19:40 да бошланади.