ПСЖ Ди Мария билан шартномани узайтирди

Франциянинг ПСЖ клуби ярим ҳимоячиси Анхель Ди Мария парижликлар билан амалдаги шартномасини узайтирди. Бу ҳақда клуб расмий сайти хабар бермоқда.

Унга кўра 30 ёшли аргентиналик футболчи Франция чемпиони билан 2021 йилгача келишувни узайтирган. Эслатиб ўтиш лозимки, Ди Мариянинг аввалги шартномаси жорий мавсум якунида ўз ниҳоясига етар эди.

Маълумот учун, Ди Мария ПСЖ сафида 2015 йилдан буён тўп суриб келмоқда. У ўтган давр мобайнида жами 149та ўйинда майдонга тушди ва рақиблари дарвозасига 57та гол уришга эришди.

Матнда хатолик топсангиз, ўша хатони белгилаб, бизга жўнатинг (Ctrl + Enter)