Пато яна “Милан”га қайтмоқчи

Фаолиятини Хитойнинг "Тяньцзинь Цюаньцзянь" клубида давом эттираётган бразилиялик ҳужумчи Алешандре Пато яна "Милан"га қайтишни режалаштирмоқда.

“Леонардонинг “Милан”га янги қон қуйиш учун салоҳияти етарли. Мен фақат техник жиҳатларни айтмаяпман. Қаранг, ўтган 1,5 йил ичида кўплаб футболчилар жамоани тарк этишди. Леонардо эса керакли пайтда, керакли жойда пайдо бўлди. Уни улкан ишлар кутмоқда. Ўз навбатида мен ҳам унинг қўнғироғини кутаман”, - дейди Пато.

Эслатиб ўтамиз, бундан бир неча кун аввал Леонардо "Милан"нинг техник директори лавозимига тайинланган эди.

Маълумот учун, 28 ёшли Пато “Милан” сафида 2007 – 2013 йилларда тўп сурган.