"Пахтакор"нинг собиқ ҳужумчиси фаолиятини Эронда давом эттирадиган бўлди (ФОТО)

Ўтган мавсумни Тошкентнинг “Пахтакор” клубида ўтказган португалиялик ҳужумчи Исмоил Гонсалвеш фаолиятини Эрон чемпионатида давом эттирадиган бўлди.

Аниқроғи, 25 ёшли футболчи “Истиқлол” клуби билан шартнома имзолади. Бу ҳақда клуб расмий сайти хабар бермоқда.

Маълумот учун, Гонсалвеш ўтган мавсум “шерлар” сафида Суперлигада жами 31та ўйинда майдонга тушиб, рақиблари дарвозасига 16та гол уришга эришган эди.

Эслатиб ўтамиз, бундан аввалроқ "Пахтакор"нинг бошқа бир собиқ футболчиси - Тиаго Безерра Қатарнинг "Ал Хор" клуби билан шартнома имзолаган эди.