Перес Дибала учун "Реал"нинг қайси футболчисини "Ювентус"га бермоқчи?

Мадриднинг "Реал" клуби президенти Флорентино Перес "Ювентус" билан ўзаро футболчи алмашишни режалаштирмоқда.

Бир қатор испан нашрларнинг ёзишича Перес туринликлар ҳужумчиси Пауло Дибалани “қироллик клуби”га олиб келмоқчи. Ўз навбатида у аргентиналик футболчининг трансфери эвазига “кекса синьора”нинг қизиқишлар доирасига кириб қолган ярим ҳимоячи Дани Себальосни қўшиб беришга тайёр.

Эслатиб ўтамиз, бундан аввалроқ “Ювентус” ёзда жамоани тарк этиши мумкин бўлган Дибаланинг ўрнига ПСВдан Ирвинг Лосанони олиб келишни режалаштираётгани ҳақида хабарлар тарқалган эди.