Пицци: Олдинги натижалар тарихда қолди, биз кучли эканлигимизни исботлашимиз керак

Чили терма жамоаси билан 2016 йилги Америка кубогида ғолиб чиққан, ҳозирда Саудия Арабистони терма жамоасига устозлик қилаётган Хуан Антонио Пицци Осиё кубоги-2019 нинг илк турида КХДРга қарши ўйиндан олдин ўз фикрларини билдириб ўтди.

"Барча мусобақлар бир-биридан фарқ қилади. Ўйлашимча, эртанги ўйин бизнинг ўз ўйин услубимизни намойиш этиб, ғалаба қозонишимиз учун яхши имконият. Термамизнинг олдинги қитъа биринчиликларидаги натижаси эртанги ўйинга алоқадор эмас.

Мен ўзим дуч келган ҳар бир рақибни ҳурмат қилганман ва бунда тарих аҳамиятга эга эмас. Чунки сиз рақибдан кучли эканлигингизни исботлашингиз керак бўлади", - деди испаниялик мутахассис.

Фикрлар

Фикр қолдириш учун авторизациядан ўтинг!