Профессионал боксчиларимиз ғалаба қозонишди

Россиянинг Екатеринбург шаҳрида бўлиб ўтган бокс кечасида уч нафар профессионал боксчимиз рингга кўтарилишди.

Профессионал рингда мағлубият нималигини билмай келаётган Равшанбек Умурзоқов фаолиятидаги бешинчи жангини Кели Фигуероага (12-2-3) қарши ўтказди ва навбатдаги ғалабасини нишонлаган бўлса, дебют жангини ўтказган Маҳмуд Ғоипов танзаниялик Идди Мквера билан куч синашди.

Қизиқарли кечган жангда ҳамюртимиз рақибини бир неча марта нокдаун ҳолатига тушириб қўйди. 3-раундга келиб, Маҳмуднинг зарбаларига дош бера олмаган африкалик боксчи нокаутга учради.

Яна бир жангда Шерзод Йўлдошев (3-2-0) дебютант Муҳаммад Шейховга имкониятни бой бериб қўйди.