Пул тарихга қарши: «Реал”, «Манчестер Сити» ва бошқалар жумбоғи

Ҳар қандай жамоа бирорта мусобақанинг янги брендига айланиши истаса биринчи навбатда Чемпионлар Лигаси келади.

Футбол клубининг буюклигини нима билан ўлчаш мумкин? Ёши? Пули? Ёки кўплаб мухлислари биланми? Балки йирик стадиони биландир? Аммо булар кўплаб клубларда топилади. Буюклар ва буюкликка яқин жамоалар ўртасидаги фарққа келганда совринлар ўртага чиқади.

Ички чемпионатни бирор марта ҳам ютмаган жамоа буюк клуб бўла оладими? Албатта йўқ. Чемпионлар Лигасини ютмаган клуб гранд жамоа бўлишга даъво қила оладими? «Арсенал» ҳа дейди. «Атлетико» ҳам. Улар анча вақтдан бери у ерда иштирок этишади.

Албатта жамоалар бунда рақобатдош, ёдда қоладиган ва ажойиб ўйин кўрсатишлари керак бўлади.

Шунинг учун миллиионлаб сарфланган пулларга қарамай қатарликлар клуби «ПСЖ» Европада «Монако»чалик обрўга эга эмас.

«Монако» ушбу нуфузли турнирнинг финалига қадар етиб борган. Тьерри Анри ва Килиан Мбаппе каби иқтидорларни етиштириб чиқарган. Бир неча йил олдин улар ярим финалга қадар боришди ва Бернардо Сильва, Бенжамин Менди каби юлдузларни кашф қилди.

Мана шулар туфайли ЕЧЛнинг сўнгги турида «Црвена Звезда»нинг «Ливерпуль» устидан қозонилган ғалабаси эътиборга молик. Белградликлар тарихи бой жамоанинг «бурнидан тортиб қўйди». «Қизиллар» ушбу совринни ўз музейида сақлайди.

Бироқ сўнгги вақтларда тилга олинаётган янги турнир – Супер Лига ғояси анча хавфли. Футболчилар пул каби ушбу мусобақани жорий қилишни қўллаб-қувватламоқда.

«Реал» билан тўрт марта Чемпионлар Лигасини ютиб олган Марсело ўз оёғида ушбу совриннинг расмини туширган.

«Милан»нинг собиқ ижрочи директори Адриано Галлиани Чемпионлар Лигаси мадҳиясини А Серия ўйинларидан олдин кийиниш хонасида жамоасига эшиттирган. Шу тариқа у футболчиларни рухлантирган.

Айтмоқчи бўлганимиз ушбу мусобақа пулдан ҳам кўпроғини англатади. Бу сифатни англатади. Бирор футболчи ёки жамоа Чемпионлар Лигасида иштирок этса у ҳақиқатдан қойилмақом иш қилди деймиз.

Флорентино Переснинг янги лига тузиш режалари шу тарафдан кўпчиликни таажжубга солмоқда. «Реал» хўжайини клуби учун кўпроқ пул ишлаб олишни истамоқда, аммо у 13 карра чемпиони бўлган жамоасини ушбу мусобақадан маҳрум қилмоқчи.

«Реал» бу турнирни бошқалардан кўра кўпроқ эга ютган. Чемпионлар Лигаси томошабоплиги ва овози ягона. Бироқ унинг ягона камчилиги май ёки июнда медаллар тақилганидан кейин қисқа муддатга унутилишидир.

Ушбу мусобақани бирор марта ҳам юта олмаган жамоа ундан чиқишни эҳтиёткорлик билан ўйлаб чиқади. «Реал» ва «Ливерпуль» бундан қўрқмаслиги мумкин, аммо «ПСЖ» ва «Манчестер Сити» буни қила оладими йўқми, гап шунда. Улар Чемпионлар Лигасида керакли вазнни қўлга кирита олмасдан тарк этиши қайтиб у ерга киритилмайди дегани.

Бу «Барселона» ва 1992-йилги «Уэмбли»даги қаҳрамон Пеп Гвардиола учун ҳам аҳамиятли.

Буюкликка элтувчи йўлни сотиб олишингиз мумкинми? «Пари Сен-Жермен» ва «Манчестер Сити» каби жамоалар буни амалга оширишга уринмоқда.

УЕФАнинг молиявий фейр-плей қоидалари Роман Абрамовичнинг «Челси»га ташиган пуллари даврида йўқ эди. Қоидалар бузиш учун чиқарилади.

Глейзерлар оиласи, Абу Даби шайхлари Манчестер жамоалари учун тикаётган миллиардлаб пуллари ёмонми? «Этиҳад Стэдиум» ташқарисида «Буюк 10 йил учун Манчестер миннатдорчилик билдиради, шайх Мансур» деган баннерга кўзингиз тушади. Бундай олқишлашни «Олд Траффорд»да ҳам кўрасиз.

Аммо ҳақиқий ишни ажойиб футбол академияси, асосий жамоа ва бренд амалга оширади. Энг муҳим мусобақалардаги ғалабалар айнан шулар орқали эришилади.

«Манчестер Сити» бу йил яхши кўринмоқда. Премьер Лигада ўз ҳукмини ўтказмоқда. Гвардиола Англия футболига ҳам ўз таъсирини кўрсатишни бошлади. Унинг жамоаси ўйинидан ҳайратга тушасиз. Бироқ улар ҳали Европада ўзини кўрсата олгани йўқ. «Шаҳарликлар» гранд жамоаларни қўрқита олганича йўқ. «Реал», «Бавария» ёки «Ливерпуль»га қарши учрашувларда тажриба ва тарих ўз сўзини айтмоқда. Улар гуруҳ босқичида «Шахтёр» дарвозасига голларни қалаштириб ташламасин, ўзини кўрсатиш керак бўлган вақтда бунинг уддасидан чиқа олишмаяпти.

Бир кун келиб албатта бу футболчилар ўз орзуларига етишиши мумкин. Аммо тушуниб етишлари керакки, улар совринларни сотиб ололмайди, фақатгина ишлаб топишлари мумкин. Фарқ шунда!