Месси кейинги мавсумни қайси клубда давом эттириши ойдинлашди

"Интер Майами"нинг 38 ёшли ҳужумчиси Лионель Месси Саудия Арабистонининг баъзи клублари унга фаол қизиқиш билдираётганига қарамай, Америка клуби билан шартномасини узайтиришга яқин турибди. Бу ҳақда таниқли инсайдер Саша Таволери Х ижтимоий тармоғида маълум қилди. Мессининг "Интер Maйами" билан амалдаги келишуви 2025 йилнинг охиригача мўлжалланган.

Эслатиб ўтамиз, Лионель 2023 йилнинг ёзидан буён "Интер Майами" шарафини ҳимоя қилиб келмоқда. У бунгача "Барселона" ва ПСЖ клубларида ўйнаган. Месси "кўк-анорранглилар" сафида 10 марта Испания чемпионлигини қўлга киритган, 7 марта мамлакат кубоги соҳиби бўлган, шунингдек, 4 марта Европа Чемпионлар лигасида ғолиб чиққан.

ПСЖ билан аргентиналик футболчи Франция чемпиони бўлди. Месси Париж клуби футболчиси сифатида жаҳон чемпионатида ғолиб чиқди.