Қатар Осиё кубоги ғолиби!

Унда Қатар ва Япония терма жамоалари ўзаро ғолиблик учун баҳс олиб боришди. Абу-Дабидаги "Зайед Спорт Сити" стадионида кечган учрашувда қатарликлар 3:1 ҳисобидаги ишончли ғалабани қўлга киритишди.

12-дақиқада Алмоез Али акробатик услубдаги зарбаси билан ҳисобни очди. 27-дақиқада эса Абдулазиз Хатем ҳисобни ишончли кўринишга келтирди. Жамоалар танаффусига шу ҳисобда йўл олишди.

Иккинчи бўлим аввалида Хажиме Мориятсу шогирдлари ҳужумкорликни оширди ва бу 69-дақиқага келиб ўз мевасини берди ва Такуми Минамино ҳисобни қисқартирди. 81-дақиқада Мая Ёшида бурчакдан тўп ўйинга киритилган вазиятда қўли билан ҳаракат қилди ва ҳамюртимиз Равшан Эрматов видеотакрорларни кўргач, Гонда дарвозасига пенальти белгилади. 11 метрли жарима зарбасини эса Акром Афиф аниқ амалга оширди ва Қатар ўз тарихида илк бор Осиё кубогини қўлга киритди.