Қатар клуби Япония терма жамоаси футболчисини 35 млн еврога сотиб олади

Португалиянинг “Портимоненсе” клуби ярим ҳимоячиси Сея Наказима фаолиятини Қатарда давом эттиради.

AS нашри тарқатган хабарга кўра 24 ёшли футболчи “Ал-Духайл” билан шартнома имзолайди. Унинг трансфери эса 35 миллион еврога баҳоланмоқда.

Бироқ, берилган маълумотларга қараганда Наказима кейинроқ ПСЖга кўчиб ўтади. Парижликлар тўғридан-тўғри ушбу трансферни амалга оширмаганликларининг боиси айни дамда улар УЕФАнинг молиявий фэйр-плей қоидасини бузмасликка ҳаракат қилишмоқда.

Қайд этиш лозимки, “Ал-Духайл” ҳам, ПСЖ ҳам қатарлик бизнесмен Носир Ал-Хелайфига тегишли ҳисобланади.