Қиличбозларимиз ЖЧдаги иштирокини якунлашди

Хитойнинг Уси шаҳрида қиличбозлик бўйича жаҳон чемпионати беллашувлари давом этмоқда. Бугунги кун дастурида йигитлар шпага қуролида жамоавий йўналишда баҳс олиб боришмоқда.

Айни паллага келиб, чорак финалчилар аниқланди. Афсуски, қиличзбозларимиз илк босқичдаёқ мусобақадан чиқиб кетишди. Хитой терма жамоасига қарши кечган баҳсда ҳамюртларимиз 43:44 ҳисобида имкониятни бой бериб қўйишган. Бу вакилларимизнинг мусобақадаги охирги чиқиши эди. Ана энди қиличбозларимиз Жакартада ўтадиган Осиё ўйинларида иштирок этишади.