Qit’a birinchiligi Omar Abdulrahmonsiz o‘tadi

BAA terma jamoasi bosh murabbiyi Alberto Zakkeroni 2019 yilgi Osiyo kubogida ishtirok etadigan futbolchilar nomini ma’lum qildi. Biroq tarkibda barchamiz uchun tanish bo‘lgan Omar Abdulrahmon yo‘q ekanligini ko‘rishimiz mumkin.

Yozda Saudiya Arabistonining "Al-Hilol" jamoasi safiga ko‘chib o‘tgan Omar oktyabrda  jarohat olgani borasida xabar bergan edik. Aftidan uning jarohatdan tiklanish jarayoni tez kechmagan va 27 yoshli futbolchi o‘z vatanida o‘tadigan qit’a birinchiligida ishtirok eta olmaydigan bo‘ldi.

Quyida BAA terma jamoasining Osiyo kubogi uchun yakuniy qaydnomasi bilan tanishasiz.

Darvozabonlar: Xolid Eysa ("Al-Ayn), Ali Hasif ("Al-Jazira"), Muhammad Al-Shamsi ("Al-Vahda");

Himoyachilar: Muhammad Ahmad, Ismoil Ahmad (ikkalasi"Al-Ayn"), Xalifa Al-Hammadi, Faris Juma (ikkalasi "Al-Jazira"), Halifa Muborak, Mahmud Xamis (ikkalasi "Al-Nasr"), Volid Abbos ("Al-Ahli);

Yarim himoyachilar: Bandar Al-Ahbabi, Amir Abdulrahmon, Rayan Yaslam, Muhammad Abdulrahmon (barchasi "Al-Ayn"), Xalfan Muborak ("Al-Jazira"), Majid Hassan, Ismoil Al-Hammadi ("Al-Ahli"), Ali Salmon ("Al-Vasl");

Hujumchilar: Ali Mabhut ("Al-Jazira"), Ahmad Xalil ("Al-Ahli"), Saif Rashid ("Sharja"), Ismoil Matar ("Al-Vahda").