“Қўқон-1912”: Бир йиллик абономентлар сотувга чиқди

“Қўқон-1912” футбол клуби мухлислари учун яна бир янгилик. Жамоа ишқибозларига қулайлик яратиш мақсадида бир йиллик абономентларни сотувга чиқарилди. Бу ҳақда клуб матбуот хизмати хабар бермоқда.

Манбанинг маълум қилишича, абономентларнинг нархи 160 000 (бир юз олтмиш минг) сўм қилиб белгиланган. Абономент сотиб олган мухлис жамоанинг олий лига доирасидаги барча учрашувлари ҳамда Ўзбекистон кубоги доирасидаги битта ўйинга “Марказий” стадионда ўзига қулай бўлган жойни ҳозирлаган бўлади.

Абономентларни сотиб олиш учун “Марказий” стадион маъмуриятига мурожаат қилиш мумкин. Абономентларни нақд пул, пластик карточка ва пул ўтказиш орқали сотиб олиш мумкин.  Шошилинг абономентлар сони чегараланган.