“Real Madrid Foundation Clinic” мураббийлари Бухоро шаҳрида машғулотлар ўтказишди

Ўзбекистон футбол ассоциациясининг 1-вице президенти Умид Аҳмаджоновнинг ташаббуси билан "Реал Мадрид" клуби академияси ва ЎФА ўртасида тузилган келишувга асосан, айни кунларда Мадриднинг “Реал” жамоаси мутахассислари Карлос Альберт, Мануэль Агуадо Хил ва Эктор Висентелар “Real Madrid Foundation Clinic” дастури бўйича юртимизда бўлиб туришибди. Бу ҳақда ЎФА расмий сайти хабар бермоқда.

Улар дастлаб Сурхондарёнинг Термиз шаҳрига бориб, ўша ердаги ёш футболчилар ва мураббийларга маҳорат дарслари ўтказишди.Шундан сўнг “Реал Мадрид” мураббийлари Бухоро шаҳрига ташриф буюрдилар. Хавьер Вара ва Эктор Висентелар 18 ноябрь кунига қадар Бухоро шаҳрида “Real Madrid Foundation Clinic” дастури бўйича  ҳудудий футбол академия тарбияланувчиларига тажриба машғулотларини олиб борадилар.

Испаниялик мутахассислар Сурхондарё ва Бухородан ташқари, Андижон вилояти ҳамда Қорақалпоғистон Республикаси академиясида ҳам амалий дарс ва машғулотлар ўтказиши режалаштирилган.