"Реал" Моуриньо билан музокараларни бошлаб юборди

Мадриднинг "Реал" клуби ўзининг собиқ бош мураббийи Жозе Моуриньо билан музокараларни бошлади. Бу ҳақда The Sun нашри хабар бермоқда.

Эслатиб ўтиш лозимки “қироллик клуби” мавсум аввалида Хулен Лопетегини бош мураббий лавозимига тайинлаган эди. Аммо, натижалар қониқарсиз бўлавергач уни истеъфога чиқариб ўрнига Сантьяго Соларини тайинлади. Бироқ, Солари ҳам кутилган ўзгаришларни амалга ошира олмаяпти.

Шу боис клуб президенти Флорентино Перес ишсиз юрган португалиялик мутахассисни яна Мадридга қайтариш ғоясини илгари сурмоқда.

Эслатиб ўтамиз, Моуриньо “Реал”ни 2010-2013 йилларда бошқарган ва ушбу вақт ичида “қироллик клуби” билан Испания чемпиони ва Кубоги соҳибига айланган.