"Реал" Навас билан шартномани узайтирмоқчи

Мадриднинг “Реал” клуби ўзининг коста-рикалик посбони Кейлор Навасга янги шартнома таклиф қилмоқчи.

Goal.com нашри тарқатган хабарга кўра “қироллик клуби” 31 ёшли дарвозабон билан амалдаги шартномани 2021 йилга қадар узайтиришни режалаштирмоқда. Таъкидлаш керакки, Наваснинг “Реал” билан амалдаги келишуви 2020 йилга қадар имзоланган.

Айтиш лозимки, “Реал” мавсум бошида Тибо Куртуани сотиб олгач, Навас асосан захира посбонига айланиб қолаётган эди. Аммо, Хулен Лопетеги ўрнига Сантьяго Солари келгач Навасда яна асосий таркибга қайтиш умиди пайдо бўлди.