"Реал" Зиданни ортга қайтаришга уруниб кўрмоқчи

Мадриднинг "Реал" клуби ёзда жамоадан кетган Зинедин Зиданни яна "Сантьяго Бернабеу"га қайтаришга уруниб кўрмоқчи.

Испан нашрларининг хабар беришича франциялик мутахассиснинг қайтарилишини жамоа сардори Серхио Рамос қўллаб-қувватламоқда. Унинг бошчилигидаги “қироллик клуби” футболчилари раҳбариятга босим ўтказиб, шу йўл билан Зиданни ортга қайтаришга уруниб кўришларини талаб қилишмоқчи.

Эслатиб ўтамиз, Зидан “Реал”ни 2,5 йил бошқарди ва шу ичида жами 9та совринни қўлга киритди. Жумладан, 3 марта кетма-кет Чемпионлар лигасида ғолиб чиқди, Ла Лига чемпиони бўлди, 2 марта УЕФА Суперкубогини қўлга киритди.