"Реал" душанба куни бош мураббий номини эълон қилди

Мадриднинг "Реал" клуби янги бош мураббий лавозимига ким тайинланганлиги ҳақида 11 ноябрь куни эълон қилиши даркор.

30 октьябрь кунидан бери, Хулен Лопетегининг истеъфога чиқганидан сўнг жамоани вақтинчалик Сантьяго Солари бошқариб келмоқда.

Қоидаларга биноан, вақтинчалик мутахассис 15 кундан зиёт жамоани бошқариб бориш имкониятига эга эмас. Шу даврдан сўнг, жамоа бир қарорга келиши даркор.

Айтиб ўтиш жоизки, мадридликлар Солари бошчилигида 3 учрашувда майдонга тушиб, ҳамма учрашувда ғалаба қозонган.

As нашрининг хабар беришича, клуб президенти Флорентино Перес Солари борасида "Севилья"га қарши баҳс натижаларидан сўнг бир қарорга келди.