"Реал" қишда "Барселона"нинг собиқ футболчисини сотиб олмоқчи

Мадриднинг “Реал” клуби “Бетис” ярим ҳимоячиси  Марк Бартранинг хизматларига жиддий қизиқиш билдира бошлади.

El Chiringuito нашри тарқатган хабарга кўра “қироллик клуби айнан мана шу 27 ёшли испаниялик футболчи билан ўзининг марказий чизиғини кучайтирмоқчи. Мадридликлар уни яқинлашиб келаётган қишки трансферлар чоғидаёқ ўз сафларига қўшиб олишмоқчи.

Эслатиб ўтамиз, Бартра “Барселона” клубида бир неча йил тўп сурган.

Маълумот учун, Марк Бартра жорий мавсум “Бетис” сафида жами 12та ўйинда майдонга тушиб, ўз ҳисобига 1та гол ёздириб қўйишга эришди. Унинг андалусияликлар билан амалдаги шартномаси 2023 йилга қадар имзоланган.