"Реал" раҳбарияти жамоага Ибрагимовични жалб этишга мажбур бўлмоқда, чунки...

Мадриднинг "Реал" клуби "Лос-Анжелес Гэлакси" ҳужумчиси Златан Ибрагимович билан алоқага чиқди. Бу ҳақда Football Espana нашри хабар бермоқда.

Унга кўра Европанинг кучли жамоалари мавсум ярмида ўзларининг етакчи ҳужумчиларини сотишни исташмаяпти ва айнан шу боис “қироллик клуби” 37 ёшли швециялик форвардни таркибга жалб этишга мажбур бўлмоқда. МЛС тўпурари ҳозирча “Реал” учун асосий трансфер нишони бўлиб турибди.

Маълумот учун, Ибрагимович "Лос-Анжелес Гэлакси" сафида жорий мавсум 26та ўйинда иштирок этди ва ўз ҳисобига 22та гол ҳамда 7та голли узатма ёздириб қўйишга эришди.