"Реал" собиқ футболчиси фаолиятини якунлади

Голландия терма жамоаси собиқ футболчиси Рафаэл ван дер Варт профессионал футболчилик фаолиятини якунлаганини маълум қилди.

— Мен барчасига нуқта қўйишни истайман, чунки футбол ўйнаб жароҳат олишни истайман. Фаолият юритган барча клубларимга, ўйинчилар ва мухлисларга миннатдорлик билдираман. Мен ҳозир жуда ажойиб вақт бўлганлигини ҳис қиляпман, — дейди 35 ёшли голландиялик футболчи.

Ван дер Варт Амстердамнинг "Аякс" клуби тарбияланувчиси ҳисобланади. У айнан шу жамоада профессионал фаолиятини бошлаган. Шундан кейин "Гамбург", Мадриднинг "Реал", Лондоннинг "Тоттенхэм", Испаниянинг "Бетис", Даниянинг "Миттьюлланн" жамоаларида тўп сурган. Ёзда у Даниянинг бошқа бир клуби "Эсбьерг" билан шартнома имзолаб, 4 ўйин ўтказди.

Миллий терма жамоада эса у 109 ўйинда 25 голга муаллифлик қилган ва ЖЧ-2010 турнирида кумуш ва Европа чемпионати-2004да эса бронза медалини қўлга киритган.