"Real" sobiq prezidenti: Zidan haq bo‘lib chiqdi

"Real" Madrid klubining sobiq prezidenti Ramon Kalderon jamoaning sobiq bosh murabbiyi Zinedin Zidan nega iste’foga chiqqanini aytdi.

“Zidan Beylni sotib, Ronalduni tarkibda olib qolishni so‘ragan. Peres esa teskarisini qilgan. Natijada u ketishga qaror qildi va u yakunda haq bo‘lib chiqdi”, - deydi Kalderon.

Eslatib o‘tamiz, Zidan “qirollik klubi”ni 2016 yilning yanvaridan 2018 yil yozigacha boshqardi. Ushbu vaqt ichida jamoa uning boshqaruvida ketma-ket 3 marta Chempionlar ligasida g‘olib bo‘ldi.