"Реал"нинг уч нафар футболчиси сафга қайтди

"Реал" Мадриднинг Тони Кроос, Маркос Льоренте ва Мариано Диас каби футболчилари бугундан умумий гуруҳ машғулотларига қўшилишди. Бу ҳақда AS нашри хабар бермоқда.

Унга кўра ушбу футболчилар 25 январь куни Испания кубоги чорак финали доирасида бўлиб ўтадиган “Жирона”га қарши ўйинда иштирок этишлари мумкин.

Эслатиб ўтамиз, айни дамда “қироллик клуби” лазаретида Кейлор Навас, Хесус Вальехо, Гарет Бэйл ва Марко Асенсио каби футболчилар қолишмоқда.