"Real"ning uch nafar futbolchisi safga qaytdi

"Real" Madridning Toni Kroos, Markos Lorente va Mariano Dias kabi futbolchilari bugundan umumiy guruh mashg‘ulotlariga qo‘shilishdi. Bu haqda AS nashri xabar bermoqda.

Unga ko‘ra ushbu futbolchilar 25 yanvar kuni Ispaniya kubogi chorak finali doirasida bo‘lib o‘tadigan “Jirona”ga qarshi o‘yinda ishtirok etishlari mumkin.

Eslatib o‘tamiz, ayni damda “qirollik klubi” lazaretida Keylor Navas, Xesus Valexo, Garet Beyl va Marko Asensio kabi futbolchilar qolishmoqda.