Remsi "Yuventus" bilan kelishuvga erishdi

“Arsenal” klubi yarim himoyachisi Aaron Remzi joriy yil yozida erkin agent sifatida “Yuventus” tarkibiga qo‘shiladi.

Ma’lum bo‘lishicha, uelslik futbolchi turinliklar bilan besh yillik kelishuvga erishgan va shartnomaning umumiy narxi 40 mln evro atrofida.

Shunday qilib, 28 yoshli futbolchi “Yuventus”da Krishtianu Ronaldudan keyin eng ko‘p maosh oladigan futbolchiga aylanadi.