Ремзи Англияда қолмоқчи, унга МЮ ва "Ливерпул"дан қизиқишлар бор

Лондоннинг "Арсенал" клуби хавбеки Аарон Ремзи "Манчестер Юнайтед" ва "Ливерпул"нинг диққат марказида бўлиб турибди.

Evening Standard нашри тарқатган хабарга кўра манкуанликлар ҳам, мерсисайдликлар ҳам 27 ёшли уэльслик футболчини қишки трансферлар чоғидаёқ сотиб олишга уруниб кўрмоқчи.

Таъкидлаш керакки, Рэмзининг “канонирлар” билан амалдаги шартномаси жорий мавсум якунида ўз ниҳоясига етади. Шу боисдан ҳам “Арсенал” озроқ бўлсада унинг трансферидан фойда кўриш учун уни қишда сотиб юбориши мумкин.

Маълумотларга қараганда Рэмзига шунингдек Италия грандларидан ҳам таклифлар бўлмоқда, бироқ унинг оиласи ўзини Англияда қулай ҳис қилаётгани сабаб футболчи ҳам Англияда қолмоқчи.