"Рома" қишда "Барселона" футболчисини сотиб олмоқчи

Римнинг "Рома" клуби "Барселона" хавбеки Рафинья Алькантарани ўз сафига қўшиб олмоқчи. Бу ҳақда Corriere dello Sport нашри хабар бермоқда.

Унга кўра “бўрилар” спорт директори Рамон Мончи 25 ёшли бразилиялик футболчининг трансфери бўйича каталонияликлар билан музокараларнинг дастлабки раундини ўтказишга ҳам улгурган. Унинг тахминий трансфер нархи эса 28 млн еврога баҳоланмоқда.

Маълумот учун, Рафинья жорий мавсум “Барселона” сафида жами 7та ўйинда майдонга тушиб, ўз ҳисобига 1та гол ёздириб қўйишга эришди. Унинг “кўк-анор ранглилар” билан амалдаги шартномаси 2020 йилга қадар имзоланган.