Руни ва Ибрагимович жамоаси: МЛСнинг энг зўр 11 футболчиси билан танишинг
Ads

МЛС кубоги фақатгина 8 декабр куни бўлиб ўтади, аммо Шимолий америкаликлар мавсумдаги ўз қаҳрамонларни аниқлаб бўлишди ва 11 нафар спортчидан иборат рамзий терма жамоани ҳам тузишга муваффақ бўлишди.

Дарвозабон

Зак Штеффен (“Коламбус Крю”; АҚШ)

МЛСдаги йил дарвозабони 23 ёшли америкалик футболчи. У фаолиятидаги иккинчи тўлиқ мавсумни ўтказди. Зак ёшлигида Европага келган “Фрайбург”да бироқ тажриба тўплашга эришган. Ҳозирда эса у мамлакатининг асосий посбони бўлишига даъвогарлардан саналади. 2018 йили Штеффен терма жамоада дастлабки ўйинларини ўтказди. Мавсумнинг мунтазам чемпионатида Зак 10 ўйинда дарвозаси дахлсизлигини сақлаб қолди. 28 апрелдан 13 июлга қадар 8 ўйиндан иборат қуруқ серияни ўтказди ва бу МЛС тарихига 525 дақиқа бўлиб кирди.

Ҳимоячилар

Чад Маршалл (“Сиэтл Саундерс”; АҚШ)

34 ёшли ҳимоячи яхши спорт формасида: Чад уч марта МЛСда йил ҳимоячиси бўлган. 2008, 2009 ва 2014. Рамзий таркибга у фаолияти давомида 4-марта кирмоқда. Ҳимоядаги ишончли ҳаракатлари (шунингдек, 4 гол ва 30 ўйиндаги битта голли узатма) билан Маршалл “Сиэтл”га ғарбий конференцияда мавсумни иккинчи ўрин билан кунлашга ёрдам берди.

Аарон Лонг (“Нью-Йорк Рэд Буллз”; АҚШ)

Нью-Йоркликлар асосий соврин учун кураш олиб боришмоқда ва қолган тўрт даъвогарлар ичида фаворит дея баҳоланмоқда. “Рэд Буллз” ишончли ҳимояга эга. Сабаби йил бу термадан жамоанинг икки нафар ҳимоячи ўрин олишган. Аарон Лонг – МЛСда йил ҳимоячиси. Унинг кўп хизматлари сабаб “Нью-Йорк” Лига тарихидаги энг яхши мавсумлардан бирини ўтказди. 71 очко ва фақатгина 33 гол ўтказиб юборган. Бу конфедерациядаги бошқа жамоаларга қараганда энг яхши кўрсатгич.

Кемар Лоуренс (“Нью-Йорк Рэд Буллз”; Ямайка)

“Такси” лақабли футболчи рамзий термадаги мавсумнинг илк легионери. Кемар Лонг ва яна бир неча жамоадошларининг уюшқоқлиги эвазига МЛСдаги энг кучли ҳимоя чизиғини барпо этишди. Унинг чап қанотидан “Нью-Йорк” ҳужумга тез ўтиб кетади. 28 ўйинда Лоуренс 2 гол ва 3 голли узатмага муаллифлик қилган.

Ярим ҳимоячилар

Карлос Вела (“Лос-Анжелес ФК”; Мексика)

Вела – таниқли футболчи, у фаолиятини Арсен Венгер бошчилигидаги “Арсенал”да бошлаган, кейин испан клубларида ишончли ўйин намойиш этган. Хусусан “Реал Сосьедад” сафида 250 ўйин ўтказган. Бу мавсум Карлос учун МЛСдаги дебют мавсум ҳисобланади, аммо у тезда мослашиб кетди. Рамзий термага даъвогар рақиблари учун ҳеч қандай имкон қолдирмади. 14 гол ва 13 голли узатма.

Игнасио Пьятти (“Монреаль Импакт”; Аргентина)

Бир вақтлар “Валенсия”да порлаган Пабло Пьятти билан адаштирманг. Ҳозир у “Эспаньол” шарафини ҳимоя қиляпти. Бу аргентиналик футболчи ҳам Европада ўйнаган, аммо у “Монреаль” таркибида 2014 йилдан бери тўп суриб келмоқда ва Канада клубининг юлдузлари учун иккинчи марта рамзий термага киритилмоқда (биринчи марта 2016 йил). Игнасионинг ҳисобида 16 гол ва 13 голли узатма бор бу мавсумда.

Мигель Альмирон (“Атланта Юнайтед”; Парагвай)

Парагвай терма жамоаси футболчиси МЛСда ажойиб дебют мавсумини ўтказди (9 гол + 14 “ассистентлик”) ва 2017 йили “йил кашфиёти” бўлган. 2018 йилда м Альмирон голли узатмалар бўйича ўз кўрсатгичларини янгилаган ва 12 та гол кўп урди. Парагвайлик футболчи иккинчи марта кетма-кет рамзий термадан ўрин олмоқда. Мигель “Атланта” билан МЛС кубоги учун курашни давом эттирмоқда. Шарқий конференция финалида унинг жамоаси “Нью-Йорк Рэд Буллз” билан куч синашади.

Лучиано Акоста (“Ди Си Юнайтед”; Аргентина)

У аргентиналик ҳужумкор ярим ҳимоячи. Акостанинг бўйи тахминан 160 сантиметр. Фақатгина Уэйн Руни эмас, балки, Акоста чемпионатдаги иккинчи ярмида “Ди Си Юнайтед”ни муваффақият сари етаклай олди. Лучиано ўз ҳисобига 10 гол ва 17 голли узатмани ёзиб қўйди. МЛСдаги иккинчи кўрсатгич.

Ҳужумчилар

Уэйн Руни (“Ди Си Юнайтед”; Англия)

Инглиз футболчисига МЛС-2018нинг энг яхшилари қаторидан ўрин олиш учун мавсумнинг ярми етарли бўлди. Ёзги трансферлар мавсумида “Ди Си Юнайтед” таркибига қўшилиб, Руни Шарқий конференцияда жамоани қуйи ўринлардан 4-ўринга олиб чиқди. Уэйн 20 ўйинда 12 гол ва 8 голли узатмага муаллифлик қилган бўлса, Рунисиз “Ди Си” ўртача 0.8 балл тўпалаган бўлса, Руни – 2 очко жамлаган.

Жозеф Мартинес (“Атланта Юнайтед”; Венесуэла)

Мартинес – ўтган дебют мавсумда МЛС “Олтин бутса”си соҳиби. Ввенесуэлалик футболчи 31 голга муаллифлик қилган. Бу мавсум у шахсий рекордини янгилади. 33 гол. Гол + узатма тизимида унинг кўрсатгичи 37. Бу МЛС тарихидаги энг яхши иккинчи натижа. У кетма-кет иккинчи марта йил терма жамоасидан ўрин олмоқда ва юқоридаги жамоадоши Мигель Альмирон ва “Атланта Юнайтед” билан асосий соврин учун курашни давом эттирмоқда.

Златан Ибрагимович (“Лос-Анжелес Гэлакси”; Швеция)

Ва ниҳоят, у! Голлар қироли. Златан Ибрагимович МЛСдаги дебют учрашувида ўз дубли билан чемпионатда ёрқин хотиралар қолдирди ва ўз ўйинлари билан Шимолий Америка нашрларини қувонтирмоқла. Якунда 22 гол ва 10 голли узатма. “Йил кашфиёти” швециялик футболчига тегишли. Бироқ “Лос-Анжелес Гэлакси” Златандек ажойиб “қуроли” борлигига қарамасдан плей-оффга йўл ололмади.