Рууд Гуллит: Азарсиз "Челси"га жуда қийин бўлади

1987 йилги "Олтин тўп" соҳиби, афсонавий Рууд Гуллит бельгиялик вингер Эден Азарнинг "Челси"даги аҳамияти не чоғли катта экани ҳақида гапириб ўтди.

"Ёзда "Реал" Азарни сотиб олиши ҳақида миш-мишлар тарқалди. Шу боис "Челси" Азарни сақлаб қолишга бор кучи билан ҳаракат қилиши лозим. Чунки, усиз "аристократлар"га жуда қийин бўлади. У "Челси" сафида рақиб дарвозаси ёнида доимий равишда хавфли вазиятларни содир этиб турадиган ягона футболчи", - дейди Гуллит.