Саидаъло Саидкаримов нуфузли турнирни ғалаба билан бошлади

Қозоғистонда Халқаро теннис федерацияси томонидан эркаклар ўртасида "Almaty Open" турнири ўтказилмоқда.

Мазкур мусобақанинг қуръа натижасига кўра икки теннисчимиз – Саидаъло Саидкаримов ва Павел Цой илк босқичдаёқ тўқнаш келди. Ушбу учрашувда Саидаъло ёш теннисчимизни 6:1, 6:4 ҳисобида мағлубиятга учратди. Афсуски, мазкур босқичда умидли теннисчимиз Шаробиддин Абзаловга омад етишмади.

Бугун асосий тўр баҳсларининг биринчи даврасида ҳамюртимиз Санатулло Кутибоев қозоғистонлик Темур Мауленовга қарши кортга чиқади.