"Sevilya" "Liverpul"ga qarshi bahs oldidan jiddiy yo‘qotishga uchradi

Ispaniyaning “Sevilya” klubi hujumchisi Nolito Chempionlar ligasi guruh bosqichining ilk turida “Liverpul”ga qarshi bashda jamoasiga yordam bera olmaydi. Bu haqda andalusiyaliklar matbuot xizmati xabar bermoqda.

Ma’lum bo‘lishicha, Nolito La Liganing o‘tgan 3-turida “Eybar”ga (3:0) qarshi bahsda jarohat olgan. Aytish kerakki, u chempionatning navbatdagi turida “Jirona” jamoasiga qarshi bahsda ham maydonga tusha olmaydi.

Eslatib o‘tamiz, “Liverpul” hamda “Sevilya” klublari o‘rtasidagi uchrashuv 13 sentyabr kuni Toshkent vaqti bilan soat 23:45da boshlanadi.