Shermuhammad Jandreev bronza medali uchun kurashadigan bo‘ldi

Xorvatiyaning Zagreb shahrida dzyudo bo‘yicha yoshlar o‘rtasidagi Jahon chempionatining navbatdagi kun bahslari davom etmoqda.

Ushbu kun doirasidagi bellashuvlarda -90 kg vazn toifasidaga hamyurtimiz Shermuhammad Jandreev chorak final bosqichida dominikan vakili Robert Florentinoga qarshi tatamiga ko‘tarildi.

Qiziqarli kechgan bahsda sportchimiz raqibiga vazare bahosi evaziga imkoniyatni boy berib qo‘ydi.

Endi hamyurtimiz bronza medali uchun o‘tkaziladigan qo‘shimcha saralash bosqichida yaponiyalik Koshi Nagai qarshiligini engib o‘tishga harakat qiladi.