Shohjahon Ergashev Maykl Foksni ochkolar hisobi bo‘yicha mag‘lub etdi

AQShning Kanzas shahrida kechgan jang kechasida bokschimizga amerikalik Maykl Foks  (19-0, 5 KO) raqiblik qildi. 

10 raund davom etgan jangda hakamlar bokschimizning g‘alabasini qayd etishdi. Shu tariqa Ergashev o‘zining g‘alabali odimini davom ettirdi.

SPORTS.uz esa mazkur jarayondan onlayn matnli translyatsiya olib bordi.

09:52 G‘alaba! Ergashev Maykl Foksni ochkolar hisobi bilan mag‘lub etdi

09:51 Statistik ko‘rsatkichlar Shohjahon foydasiga

09:49 So‘nggi raund yakunlandi. Hakamlarning qarorini kutamiz

09:47 Har ikki bokschi ham charchadi, ammo Ergashev bor kuchini so‘nggi raundga olib qo‘ygan ko‘rinadi

09:46 So‘nggi raund boshlandi

09:44 9-raund ham tugadi

09:43 Jang juda qiyin o‘tmoqda. Ergashev biroz faollashdi

09:42 9-raund boshlandi

09:41 Navbatdagi raund yakunlandi

09:39 Foks jeblar bilan ishlamoqda, Ergashev yana sust harakat qilmoqda. Bu murabbiylarning ko‘rsatmasimi bilmadik

09:38 8-raund start oldi

09:37 7-raund tugadi, bu raundda bokschimiz ustunlik qildi

09:35 Bosim o‘tkazmoqda Shohjahon! Bo‘lar ekan-ku

09:34 Raund boshlandi! Ergashev oldinga o‘tdi. Foks qochmoqda

09:32 Chap qo‘lda ajoyib zarba! Barakalla, Shohjahon! Raund nihoyasiga etdi

09:31 Nihoyat! Ergashev faollashdi. Shunday davom etish kerak

09:30 6-raund  start oldi! Ishlash kerak, Shohjahon!

09:30 Raund tugadi, statistikalar bo‘yicha Maykl Foks oldinda

09:28 Shohjahon qo‘lini tushirib jang qilmoqda. Foks esa bittalik zarbalar bilan cheklanmoqda

09:27 Bokschimizdan birinchi raunddagi faollikni so‘rab qolamiz

09:26 5-raund boshlandi

09:25 Shohjahon, seriyalarni amalga oshirish kerak! Raund yakuniga etdi

09:24 Ergashev Foks hujum qilishini kutmoqda va qarshi hujumni amalga oshirmoqchi

09:23 Exx, Ergashev raund avvalida bir nechta zarbalarni o‘tkazib yubordi

09:22 To‘rtinchi raund boshlandi

09:21 Uchinchi raund  tugadi

09:21 Foks jeblar bilan cheklanmoqda

09:20 Qarshi hujumda o‘ynashni boshladi Shohjahon

09:19 Uchinchi raund start oldi

09:17 Ikkinchi raund tugadi

09:16 Yaxshi zarbalar berdi hozir Ergashev. Shunday davom etish kerak

09:15 Referi Shohjahonga jiddiy tanbeh berdi

09:14 Foks faollashdi. Murabbiylari unga bir erda turib  qolmaslikni ta’kidlagan bo‘lsa ajab emas

09:14 Gong chalindi, ikkinchi raund start oldi

09:13 Birinchi raund yakunlandi. Ilk raundda shubhasiz bokschimiz to‘liq ustunlik qildi. Foks raund  so‘nggida bir nimalar qilmoqchi bo‘ldi, ammo...

09:12 Har ikkala bokschiga referi tanbeh berib o‘tdi

09:12. Hisob ochilishi mumkin. Raqib hozircha Ergashevning zarbalariga reaktsiya bildirmayapti

09:11 Shohjahon ilk raunddanoq hujumga o‘tdi. Foks bir nechta zarbani o‘tkazib yubordi

09:10 Diqqat qiling, jang boshlandi!

09:09 Bokschilarga qisqacha qoidalar tanishtirib o‘tildi. Jang 10 raunddan iborat bo‘ladi bugun

09:07 Bugungi jang referisi Bil Klensi

09:07 Shohjahonning ishonchi yuqori. Ammo bugungi raqib jiddiy. Uning bo‘yi 193 santimetrni tashkil etadi

09:06 Shohjahon Ergashev kecha xabar qilganimizdek, "Hech imga bermaymiz seni, O‘zbekiston" nomli qo‘shiq sadolari ostida ringga chiqib kelmoqda.   

09:04 Maykl Foks ringga ko‘tarildi

09:03 Bokschimizning raqibi Maykl Foks esa 19 jang o‘tkazgan va ularning barchasida muvaffaqiyat (5 KO) qozongan.

09:00 Birinchi o‘rta yarim vazn toifasida janglarini o‘tkazib keladigan Shohjahon hozirga qadar 16 marta ringga ko‘tarilgan va ularning barchasida g‘alaba qozongan. 15 jangda Ergashev raqibni nokautga uchratganini qo‘shimcha qilish joiz.

08:59 Assalomu alaykum qadrli boks ishqibozlari! Birozdan so‘ng orziqib kutilgan jang boshlanadi