Симоне Дзадза “Милан”га ўтаётгани маълум бўлди

“Валенсия” клуби ҳужумчиси Симоне Дзадза катта эҳтимол билан яна А Серияга қайтади. Италиялик футболчига “Милан” қизиқиш билдирмоқда.

Football Italia нашрининг маълум қилишича, футболчининг вакиллари “Милан” билан 4 йиллик шартнома борасида келишувга эришди. Дзадзанинг йиллик маоши 2,5 миллион еврога тенг бўлиши айтилмоқда.

“Милан” сафини ҳужумчи Никола Калинич тарк этганидан кейин Симоненинг трансфери расмийлаштирилади.

“Валенсия” 27 ёшли футболчини 2017 йили “Ювентус”дан 17 миллион еврога харид қилганди ва камида 30 миллион еврога сотмоқчи.

Ўтган мавсумда италиялик форвард Ла Лиганинг 31 ўйинида майдонга тушиб, 12 та голга муаллифлик қилди.