Спорт вазири Д.Набиев спортни оммалаштиришни намунавий асосда Қорақалпоғистондан бошлади
Ads

Президентимиз томонидан жори йилнинг 20 сентябрь куни ўтказилган йиғилишда ҳар йили оммавий спорт тадбирлари республика тақвим режаси доирасида “Таълим муассасалари ҳафталиги”, “Хотин-қизлар ҳафталиги”, “Маҳалла ҳафталиги”, “Нуронийлар ҳафталиги”, “Ёшлар ҳафталиги” каби шиорлар остида оммавий тадбирлар ўтказиш вазифаси берилган эди.

Шундай ҳафталиклардан биринчи бўлган “Ёшлар спорт ҳафталиги” Жисмоний тарбия ва спорт вазирлиги хамда Ўзбекистон Ёшлар иттифоки билан ҳамкорлигида Қорақалпоғистоннинг барча туманларида наъмуна тарзида ташкил этилди. Ҳафталик давомида спортнинг шахмат-шашка, бадиий гимнастика, мини футбол, волейбол, стол тенниси, бадминтон турлари бўйича ўйинлар ташкил этилиб, уларда 200 минг нафардан ортиқ ёшлар иштирок этмоқда. Мусобақалар “Турон” стадиони, И.Савицкий номидаги Қорақалпоқ давлат санъат музейи олдидаги амфитеатр ва Бахт уйи олдидаги майдонларда бўлиб ўтмоқда. Ушбу ҳафталик республикамиз барча ҳудудларида ўтказилиши режалаштирилмоқда.

photo_2018-10-05_20-33-58

photo_2018-10-05_20-33-43

Спортни оммалаштиришни намуна асосда Қорақалпоғистондан бошлаган спорт вазири Дилмурод Набиев оммавий спорт тадбирларида махалла ахолиси билан бевосита ўзи иштирок этди ва ёш спортчилар билан уларнинг келгусидаги режалари ҳақида суҳбатлашди.

Вазир, шунингдек, Қораўзак, Тахтакўпир, Қўнғирот туманларида ахолининг барча қатламлари ўртасида соғлом турмуш тарзини тарғиб қилиш борасида ишлар билан танишди. Махаллалардаги спорт билан ошно бўлган ёши улуғ инсонлар билан бўлган суҳбатларда аҳолини, айниқча, ёшларни спортга қизиқтириш борасида амалга оширилиши лозим бўлган ишлар муҳокама қилинди.

photo_2018-10-05_20-34-07

photo_2018-10-05_20-34-16

photo_2018-10-05_20-34-20

photo_2018-10-05_20-34-26

photo_2018-10-05_20-34-30

photo_2018-10-05_20-34-02
Жисмоний тарбия ва спорт вазирлиги
Матбуот хизмати