Стерлинг тез орада "Манчестер Сити" билан узоқ йиллик шартнома имзолайди

"Манчестер Сити" клуби ҳужумчиси Рахим Стерлинг “шаҳарликлар” билан шартномасини яна беш йилга узайтиришга тайёр. Бу ҳақда Sky Sports нашри хабар тарқатмоқда.

Юқоридаги манбаага кўра 23 ёшли футболчининг вакиллари “сити” раҳбарияти билан янги шартнома бандлари борасида келишиб олган. Янги келишув эса тез орада имзоланиги кутилмоқда.

Эслатиб ўтамиз, Стерлингнинг “Манчестер Сити” билан амалдаги шартномаси 2019/20 йилга қадар имзоланган. У жорий мавсум ҳозирча АПЛда 8та ўйинда майдонга тушди ва ўз ҳисобига 4та гол ҳамда 3та голли узатма ёздириб қўйишга эришди.