Tensin Natsukava: Konor Makgregor bilan jang bo‘ladi, faqat...

Yaponiyalik kikboksing va MMA jangchisi Tensin Natsukava engil va yarim engil vazndagi "UFC"ning sobiq chempioni irlandiyalik Konor Makgregorning taklifini qabul qildi.

"Janob Makgregor mening ismimni eslab qolganingiz uchun raxmat. Sizda men bilan jang qilish istagi borligi men uchun katta sharaf. Yaqin kelajakda siz bilan 58 kilogramm vazn toifasida kikboksing qoidalari bilan jang o‘tkazishim mumkin", - deb yozadi Natsukava o‘zining Tvitterida.

Eslatib o‘tamiz, 31 dekabr kuni Floyd Meyvezer 20 yoshli Tensin bilan boks qoidalari bo‘yicha ko‘rgazmali jangda ishtirok etib, uni og‘ir nokautga uchratgan edi.