Тер Штеген ҳам Бразилияга қарши баҳсни ўтказиб юборади

“Барселона” клуби ҳамда Германия терма жамоаси дарвозабони Марк-Андре тер Штеген бугун Бразилияга қарши бўлиб ўтадиган ўртоқлик ўйинида иштирок эта олмайди.

Берилган маълумотларга кўра 25 ёшли посбон тиззасида оғриқ ҳис қилмоқда ва шу боис Бундестим мураббийлар штаби унга дам беришга қарор қилишган. Таъкидлаш лозимки, бундан аввалроқ Эмре Жан, Месут Ўзил ва Томас Мюллерлар ҳам иштирок эта олмаслиги ҳақида эълон қилинган эди.

Эслатиб ўтамиз, Германия – Бразилия учрашуви бугун 22:45да старт олади.