Тезкор хабар! Тошкентнинг “Бунёдкор” клуби ФИФА талабига кўра 6 очкодан маҳрум қилинади

Халқаро футбол уюшмаси ФИФА Ўзбекистон Суперлигасида иштирок этаётган Тошкентнинг “Бунёдкор” футбол клубидан 6 очко олиб ташлаш талаби бўйича шу йилнинг сентябрь ойида расмий мурожаат билан чиққанди.

ЎФА мазкур талаб юзасидан Профессионал футбол лигасини хабардор қилди. Бироқ ҳозирги кунга қадар “Бунёдкор” футбол клубидан 6 очко олиб ташланмади. Шунингдек, мазкур муаммонинг асосий сабабчиси бўлган украиналик футболчи Сергей Симоненко олдидаги қарздорлик масаласи расман ёпилгани бўйича маълумот ҳам тақдим этмади.

ФИФА низомига кўра, унинг тасарруфида бўлган футбол ассоциациялари талабни сўзсиз бажариши шарт. Йўқса, ташкилот биринчи навбатда Ўзбекистон футбол ассоциациясига нисбатан ўз санкцияларини қўллайди. Вазият жиддийлашса, ЎФАнинг халқаро майдондаги ўйинларда иштирок этиш масаласи ҳам хавф остида қолиши мумкин. 

Шундан келиб чиқиб, эндиликда ЎФА Ижроия Қўмитаси Профессионал футбол лигасини бугун — 16 ноябрь куни қабул қилинган №17 қарори билан расман огоҳлантирди ҳамда “Бунёдкор” футбол клубидан 6 очко олиб ташлашни талаб қилди. Бу борадаги мактубга ташкилот расмий шахслари имзо чекди. ПФЛ ФИФА томонидан қўйилган ушбу талабни сўзсиз бажариши, унинг матбуот хизмати эса бу ҳақда жамоатчиликни хабардор этиши керак бўлади.

Фикрлар

Саралаш
Фикр қолдириш учун авторизациядан ўтинг!
&
ахмад49
16/11/2018 15:45
Бу УФА нинг Бунедкорни йукотиш учун килинаётган яна бир кадами.Эсингиздами бундан йигирма кунлар чамаси Олдин УФА 1-вице президенти Ахмаджонов Тошкентга учта жамоанинг нима кераги бор,уларнинг урнига Андижонлар уйнасин деган эди,Андижон-Истиклол-Шерзод Косимов фарсини узингиз курдингиз изохга хожат йук.Андижон бир йилда молиявий инкирозга учраб йук булиб кетади,укиган булсангиз хозир Жиззахнинг Сугдиёна клуби укитувчиларни кон какшатиб вил хокими оркали олган пулларини укитувчиларга кайтариб бермокда.
Жавоб ёзиш