Tokio-2020: Tomas Bax dopingdan muammosi bor terma jamoalar kvotasini qisqartirish tarafdori

Xalqaro Olimpiya Qo‘mitasi (XOQ) rahbari Tomas Bax doping bilan muammolarga duch kelayotgan terma jamoalarning Tokio Olimpiadasiga oladigan kvotalarini qisqartirish g‘oyasini ma’qullamoqda. 

Aynan Xalqaro og‘ir atletika federatsiyasi tomonidan qo‘llanilayotgan bu tizim bora-bora ko‘plab boshqa federatsiyalarga, shu jumladan, XOQga ham kirib boryapti. 

"O‘ylaymanki, XOQ ijroqo‘mi bu tashabbusni yoqlab chiqadi. Biz bu tizimni qo‘llab-quvvatlaymiz va o‘zimizda ham qo‘llab ko‘rmoqchimiz. Joriy mexanizm Milliy Olimpiya qo‘mitalarga va boshqa federatsiyalar zimmasidagi vazifalar mas’uliyatini yanada kattalashtirib yuboradi", – deydi XOQ rahbari Tomas Bax.