"Торино" президенти: Белотти борасида "Монако"дан ҳеч қандай таклиф олмадик

Италиянинг “Торино” клуби президенти Урбано Каиро “Монако”нинг жамоа ҳужумчиси Андреа Белотти учун 100 млн евро беришга тайёр эканлиги ҳақидаги хабарларни рад этди.

“Бизда “Монако” билан ҳеч қандай алоқа бўлгани йўқ. Мен аввал ҳам айтганман, Белотти жамоада қолади. Аксинча биз яна янги футболчилар сотиб олишимиз мумкин. Трансфер даврининг сўнгги кунларида биз айнан шу билан шуғулланмоқдамиз. Бундан ташқари жамоада кам ўйин амалиётига эга бўлаётган баъзи футболчилар бошқа клубларга йўл олиши мумкин”, - дейди Каиро Football Italia нашрига берган интервьюсида.