"Тоттенхэм"га Симеоне керак

Лондоннинг "Тоттенхэм" клуби "Фиорентина" форварди Жованни Симеонега жиддий қизиқиш билдира бошлади.

Хабарларга қараганда “шпорлар” 23 ёшли аргентиналик футболчи жамоанинг ҳужум чизиғини кучайтиришига ишонишмоқда.

Маълумот учун, Жованни Симеоне “Атлетико” бош мураббийи Диего Симеоненинг ўғли ҳисобланади. У ўтган мавсум "Фиорентина" сафида жами 40та ўйинда майдонга тушган ва ўз ҳисобига 14та гол ҳамда 5та голли узатма ёздириб қўйишга эришган.