UEFA Evro-2020 ishtirokchilarini rekord miqdorda mukofotlaydi

UEFA 2020 yilgi Evropa chempionati ishtirokchilariga mukofot pullarini ma’lum qildi.

Umumiy mukofot 371 million evroni tashkil qiladi. Bu Frantsiya  yashil maydonlarida o‘tgan Evro-2016 turniridan 70 million ko‘p degani.

Evro-2020 turniri final bosqichi barcha 24 ishtirokchisi minimal 9,25 milliondan ishlab oladi. Guruh bosqichidagi har bir g‘alaba uchun yana 1,5 million, durang uchun 750 ming qo‘shiladi.

UEFA 1/8 finali uchun yana 2 million evro beriladi. 1/4 final uchun 3,25 million, yarim final – 5 million, finalchi – 7 million va nihoyat Evropa chempioni 10 million evro oladi.