Уайлдер ва Фьюри чемпионлик жангида қанча гонорар олишлари маълум бўлди

Хабарингиз бор, 1 декабр куни бокс бўйича супер оғир вазн тоифасида йирик жанглардан бири бўлиб ўтади. Унда WBC чемпионлик камари соҳиби америкалик Деонтей Уайлдер собиқ жаҳон чемпиони британиялик Тайсон Фьюри билан куч синашади.

Мазкур жангда боксчиларнинг қанча гонорар олишлари маълум қилинди. Унга кўра, Уайлдер 14 миллион доллар ишлаб олса, Тайсон 10 миллион доллар олади, дея хабар бермоқда The Telegraph нашри.

Ҳар икки енгилмас боксчилар учун бу профессионал фаолиятларидаги энг йирик гонорар ҳисобланади.

Аввалроқ Фьюри Уайлдер билан бўладиган жангдаги гонорарни уйсиз яшаётган кишиларга ҳайрия қилишини маълум қилган эди.