Уэйн Руни - Давид Вилья қарама-қаршилигида инглиз футболчиси устун келди
"Ди-Си Юнайтед" клуби МЛСнинг навбатдаги турида ўз майдонида "Нью-Йорк Сити"ни 3:1 ҳисобида мағлубиятга учратди.
Эътиборлиси, "Ди-Си Юнайтед" сафидаги англиялик машҳур ҳужумчи Уэйн Руни шу куни ўз номига дубль ёздириб қўйишга эришди. Уларнинг яна бир голига Лусиано Акоста муаллифлик қилди. Меҳмонларнинг ягона жавоб голини афсонави Давид Вилья киритди.
Маълумот учун, 32 ёшли Руни жорий мавсум МЛСда жами 19та ўйинда майдонга тушиб ўз ҳисобига 12та гол ёздириб қўйишга эришди. 36 ёшли Вилья ҳисобида эса 23та ўйиндан сўнг 13та гол мавжуд.
Фикрлар