Улуғбек Бақоев: "Бухоро"нинг 4-ўринни қўлга киритгани ҳақидаги гап-сўзлар ғашимни келтиради, чунки...

Кучли олтиликка кириб олган “Бухоро” клубининг мағлубиятлар сериясига тушиб қолганини яхши билсангиз керак. Устига-устак жамоанинг молиявий тарафдан муаммолари борлиги ҳам ҳақиқат. Бундай пайтда бош мураббий Улуғбек Бақоевга ҳам осон тутиб бўлмайди. Лекин жамоанинг натижалари пасайиб боряпти. Биз эса бош мураббий билан мавжуд масалалар хусусида суҳбатлашдик.

- Умуман олганда, “Бухоро”нинг пули йўқлиги ҳақида ташқаридан ҳам турли гап-сўзлар билдирилаётгани бор гап. Бундай ҳолатлар жамоангизга ва шахсан сизга таъсир кўрсатмайдими?

- Адашмасам, “Нурафшон” ўз вақтида кумуш медалга эга чиққан. Агар хотирам панд бермаётган бўлса, бу воқеа 1994 йили юз берганди. Ҳақиқий тарих шу. 4-ўрин қўлга киритилгани ҳақидаги гап-сўзлар фақат кишининг ғашини келтиради холос. 2016 йилги 4-ўриндан сўнг клубнинг ўйинчилар ва ходимлардан қарзлари қолган ва ҳозиргача маошларидан бўлган қарзлар тўла адо этилмаган. 2016 йилги ойлик маошлар ва бошқа-бошқа қарзлар ҳалигача тўлаб бориляпти. Жамоанинг икки йилдан бери қарзларни тўлаш билан овора бўлаётган пайтда ишни қандай йўлга қўйиш мумкин? Бу ҳам “Бухоро”даги муаммоларнинг асосий сабабларидан биридир. Ўйинчилар шартномаларида кўрсатилган ҳақларини вақтида олишмас экан, бу ҳолат уларнинг руҳиятига акс таъсир ўтказмасдан қўймайди. 4-ўрин қўлга киритилган пайтда жамоада бўлмаганман ва ўшандаги молиявий муаммолардан мутлақо бехабарман. Табиийки, ўша кезлардаги ишларга менинг ҳеч қандай алоқам йўқ. Клубда иш бошлаганимдан бери “Бухоро” икки бор кучли олтиликдан жой олди. Бунда биринчи навбатда мураббийлар штаби вакилларининг хизмати катта. Бундай таққослашлар билан ўзимизни оқламоқчи эмасмиз. 2016 йил тарихга айланган.

Суҳбатнинг тўлиқ матнини тез орада сайтимизда ўқишингиз мумкин.

Жамшид Саидов: Ҳозир “Бухоро”да пул йўқ