Уолкер — пенальти ҳақида: Англияда бу вазиятда 11 метрлик берилмасди

Англия терма жамоаси ҳимоячиси Кайл Уокер Турисга қарши (2:1) кечган ЖЧ–2018 турнири гуруҳ босқичи илк ўйинидан кейин ўз фикрларини билдирди.

“Баъзи вазиятларда яхши, баъзиларида эса яхши ўйнай олмадик. Аммо натижа сўнгги уч ҳафтада ишлаганимизни кўрсатиб турибди. Уч очкога эга бўлганимиз жуда муҳим, учрашув якунида зафар қучиш ёқимли.

Пенальти? Англияда бу шунчаки фол бўларди, 11 метрли жарима зарбаси берилмасди. Триппьер менга тўпни қолдиришни сўраганди, рақиб эса менга урили кетди. Шунга қарамай, биз қаттиқ меҳнат қилдик ва ҳақли равишда ғалаба қозондик”, – деди Уолкер.